أخبار عاجلة
الرئيسية / نوّرها / فصل المقال فيما بين الهيموجلوبين والأنيميا من اتصال

فصل المقال فيما بين الهيموجلوبين والأنيميا من اتصال

كتبت: مها طه

وشك مخطوف! اعمل تحاليل يمكن عندك أنيميا؟ الأنيميا، كلمة بنسمعها كتير وأحيانا بنقولها إحنا نفسنا كتير دلالة على الضعف الجسدي عموما.

ولكن إيه هي الأنيميا تحديدا؟

الأنيميا هى حالة مرضية بتحصل لما يبقى عدد كرات الدم الحمراء السليمة أو (الهيموجلوبين) قليل. عدد كرات الدم الحمراء فى الجسم بيُقدر بالملايين، فى منهم اللى أحيانا تكوينه بيكون مش طبيعى أو سليم. كرات الدم الحمراء شكلها الطبيعى بيكون مُقعر _شبه الطبق كده_ عشان تقدر تحمل الأكسجين على سطحها، وتنقله لكل أجزاء الجسم.

(الهيموجلوبين) بقى نوع من البروتينات، ويُعتبر المكون الرئيسى لكرات الدم الحمراء. مادة الهيموجلوبين هى اللى بتتحد مع جزيئات الأكسجين الداخله للرئة، عشان تنقلها لكل خلايا الجسم. الهيموجلوبين كمان بيتحد مع غاز ثانى أكسيد الكربون الموجود فى الخلايا، وبيقوم بنقله إلى الرئة عشان يخرج عن طريق الزفير، وعليه تبادل الغازات فى الدم بيحصل أصلًا نتيجة لوجود الهيموجلوبين.

فى حالة إن كرات الدم الحمراء شكلها بيبقى مش طبيعى أو عددها أقل من الطبيعي، أو إن الهيموجلوبين نفسه  قليل أو تركيبه مش طبيعى، فالجسم لا يحصل على كفايته من الأكسجين، وفى الحالة دى تبدأ أعراض الأنيميا في الظهور زى الإحساس بالإرهاق العام، وده طبعًا لأن الأعضاء بيقل فيها الأكسجين بنسبة كبيرة، فبتبدأ تؤدى وظائفها بشكل أقل كفاءة من المطلوب.

الأنيميا _أو ما اعتادنا تسميتها بفقر الدم_ تُعتبر من أشهر أمراض الدم اللى بتصيب ملايين من الأشخاص فى العالم كله، تزيد احتمالية الإصابة بالأنيميا عند الأشخاص المصابيين بالأمراض المزمنة. بعض أنواع الأنيميا ممكن تكون وراثية، بحيث تصيب الطفل أول ما يتولد، النساء فى سن الإنجاب بيكونوا أكثرعرضة للإصابةبالأنيميا خصوصًا الناتجة عن نقص الحديد، وده بسبب فقدان الدم فى صورة الطمث، وزيادة احتياجات الجسم من الدم أثناء الحمل، احتمالات إصابة كبار السن بالأنيميا بتكون أعلى من الأصغر سنًا بسبب سوء التغذية والأمراض.

الأنيميا ليها أنواع كتيرة ومختلفة من حيث أسبابها وطرق علاجها.

الأنيميا الناتجة عن نقص الحديد هى أشهر أنواع الأنيميا على مستوى العالم وعلاجها بيبقى عن طريق نظام غذائى سليم بيحتوى على الكميات المطلوبة من الحديد بالإضافة لبعض مكملات الحديد الغذائية. أحيانًا تصيب الأنيميا السيدات أثناء فترة الحمل فقط وهنا بتُعتبر حالة طبيعية. مع ذلك فى أنواع من الأنيميا ممكن تسبب مشاكل مدى الحياة. للأنيميا حوالى 400 نوع.

بيتسبب فيها 3 أسباب رئيسية:

 فقدان الدم، خلل فى إنتاج كرات الدم الحمراء، تلف فى كرات الدم الحمراء الموجودة فى الجسم.

ممكن يبقى من خلال نزيف، وممكن يحصل بشكل بطئ وعلى مدى طويل وغالبًا ساعتها بيكون غير ملحوظ، مثلًا:

  1. المرضى اللى بيعانوا من أمراض فى الجهاز الهضمى زى القُرح والبواسير والتهاب المعدة والسرطان.
  2. كثرة استخدام المسكنات المضادة للإلتهاب، واللى ممكن تؤدى للقُرح وأمراض المعدة.
  3. حالات النزيف فى النساء فى الولادة أو زيادة كمية الدم أثناء الطمث أو حالات الحمل والإجهاض المتكررة.

 المصادر

webmd

Comments

comments

(Visited 18 times, 1 visits today)

عن Eng.Ahmed

شاهد ايضا

دليلك إلى تكيسات المبايض

دليلك إلى تكيسات المبايض: معلومة تهمك

كتبت: مها طـه فيه ستات كتير بييجي لهم تكيسات مبايض في فترة في حياتهم، وأغلب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *